《開心無敵獎門人》「獎老」吳嘉儀向來率直，早前公審TVB工作人員，鬧爆態度差，豈料事隔兩個月，她再度爆Seed，自爆再受同事不禮貌對待。她透露獲通知回公司試造型，但化妝間同事疑似未受到有關通知，竟直斥她：「你坐喺度賴死都唔會有人幫你整頭！」令她大感委屈：「其實我都係被通知返嚟試造型，準時換衫跟住入化妝間試嘢，我事前都唔知道冇book，咁溝通清楚咪大家都好做，試唔到咪唔試囉。唔使喺化妝間對岸大聲呼喝過嚟嘅。我搵個空位坐埋一邊，諗住打個電話問清楚啲個安排，仲要加句話我『賴死』。難道我特登老遠返嚟呃個古裝look？大家同事唔同部門都係做嘢啫，以禮相待好嗎？」
她又自嘲「九線演員」：「將心比己，就算沒必要友善也不用苛刻，針對一個九線演員有用嗎？啱啱入行時，有前輩分享話後生嘅緊要受吓氣啦，鬧吓鬧吓畀人鬧慣就冇嘢。我心諗：咁係咪到我老咗又變番鬧人嗰個？呢啲係惡性循環。時代唔同職場都講求互相尊重，需要雙向嘅，希望大家都謹記互相尊重。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|