今日係6月6日農曆五月初一，幸運星係射手座，心情不錯，桃花旺盛，情人對你疼愛有加。經常係社交網上放閃晒愛嘅射手女李亞男，早前難得放低兩個女兒，同老公王祖藍飛到意大利佛羅倫斯過二人世界，又喺歐洲大屋大玩《王密歐與李麗葉》，兩個人玩得咁開心，李亞男心情當然好到爆啦。
日前，李亞男於社交網上載一家4口，頭貼頭層層疊嘅短片，片中先見王祖藍，隨後大女錫爸爸一啖，再將頭打側放上祖藍頭上，之後再見細女錫家姐，最後才到李亞男，唔少網民見到後都大讚：「幸福爆燈」、「幸福的一家」。
至於是日最旺生肖係鼠，桃花旺，脫單機會來臨，要好好把握。鼠女梁超怡憑甜美笑容兼火辣身材而吸引到唔少網民嘅注意，日前佢係社交網上載一輯着白色婚紗嘅相，相入面見佢美艷動人，仲若隱若現見到深長事業線添，梁超怡你嚟緊桃花旺，遇到心儀嘅人就要好好把握，話唔定會成功出Pool呀。
本文作轉載及備份之用 來源 source: http://hk.on.cc
|
鍾意就快D Share啦！
|
|
|