記者會後，郭珮文接受《香港01》時表示參選《2023年香港小姐競選》後的這一年來過得相當充實兼滿足。她說：「學到好多嘢，識到好多唔同嘅人，有好多唔同嘅第一次。好感謝一路喺身邊陪住我嘅人。」
談起近期郭珮文在主持《福祿壽訓練學院》的表現，她坦言明白自己表現並不佳，說：「我都知嘅，咁冇辦法啦，可能係我性格。點講好呢？我要學識接受佢，將佢變成特別之處。」她又表示，將保持這個作風，說：「成個感覺係咁，但係都要講返多啲嘢。」又表示三位《福祿壽訓練學院》導師阮兆祥、王祖藍、李思捷經常提點她，十分感恩。
她透露，除了《福祿壽訓練學院》之外，暫時未有工作安排，說道：「暫時未有，希望入返劇組，之前拍《法證》嗰時發現我好鍾意呢件事，希望有多啲機會。有機會梗係想同返Bosco啦，佢咁好人，跟住Bosco學到好多嘢。」
她坦言，因為早前出埠工作而增磅不少，說：「食嘢過量發咗漲，前一陣減咗少少，但係呢幾日又反彈返。」問道身材有沒有變化，上圍有沒有「縮水」？她回答：「正常都有。個個人瘦都會。」她坦言分別不大所以沒有理會，而且也沒有衣服不合身的問題，她笑言：「我啲衫全部都有彈性㗎嘛。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|