歌王張學友暌違6年於台北小巨蛋連開9場巡唱，並於5月31日晚正式開鑼，以歌曲《留住這時光》揭開序幕嘅張學友，之後更以全身皮革裝帶隊唱跳《Ooh La La》炒熱氣氛，唱到《交叉算了》時更又再換上深綠色西裝兼紳士帽，用音樂劇形式演繹《Double Trouble》，生動有趣嘅演出，成功將全場氣氛帶動之餘，唱到抒情歌《我真的受傷了》時，搭配弦樂四重奏嘅迷人歌聲，更係帶比全場粉絲沉浸式嘅體驗。
一口氣唱完十幾首飲哥嘅張學友，亦提到自己第一次去台灣係1986年出唱，至今自己亦冇乜太大變化，仍然着得番10幾年前嘅牛仔褲：「沒破、我又能穿進去，那沒理由把它丟啦，也不知道是年紀大了，很多東西不捨丟，就一直留，身材還可以，就穿了。」並表示：「從前故意把頭髮染白一點，現在巴不得把頭髮都染黑，讓自己年輕一點。」最後，張學友更向全場歌迷約定下次可以早啲見面：「希望下次可以早一點回來，不用等到70+」更自信70歲後體力依然勇猛：「跟我約好，再來一次好嗎？」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
