現年75歲的徐小鳳近年鮮有出席公開活動，對上一次已經數到去年七月的大灣區晚會《灣區升明月》，並獻唱《風的季節》、《明月千里寄相思》及《順流逆流》3首金曲，風采依然。之後她繼續「神隱」低調生活，最近一次「見人」就是今年五月與袁偉豪一家三口飯聚。
至日前，甘比在社交平台分享了小鳳姐到其鈎織店的短片，並寫道：「小鳳姐都玩Finger knit 🧶 ~ Wahaha」即時令網民驚喜萬分。片中，小鳳姐以招牌「半屏山」髮型示人，花了淡妝、戴上啡色眼鏡，精神氣息相當不錯。
期間，甘比又做回「老本行」化身記者訪問小鳳姐，問對方：「鍾唔鍾意呢間小店？」小鳳姐笑住回答：「鍾意，繽紛的小店，好可愛。」小鳳姐又在店內找到心頭好，是一個藍色手挽袋，甘比大讚對方很有眼光，因為是她織的，「妳揀親都係我織嘅，妳識貨。」隨後小鳳姐還跟甘比學織頸巾，成品亦非常見得人。
此外，小鳳姐又應要求即興獻唱了兩句「風雨同路見真心 ，月缺一樣星星襯」，大展歌喉，網民紛紛留言激讚：「小鳳姐什麼時候開演唱會」、「中氣十足」、「狀態太好了」、「我的媽呀，好好聽」、「好可愛」。
之後江美儀也有在社交平台出po，答謝小鳳姐：「有請小鳳姐！我同#happyyarn_kimbee 合作嘅作品已經全部賣晒，希望好快又有新一期推出再一次多謝咁多位善長人翁，甘比同小鳳姐！多謝晒呀！」
本文作轉載及備份之用 來源 source: http://www.hk01.com
|
鍾意就快D Share啦！
|
|
|