藝人湯怡最近同老公麥秋成、寶貝女「麥QQ」飛日本，當地熱辣辣，令佢成日都要小背心上陣，仲頻頻晒相同大家分享，佢留言：「體感四十度嘅天氣，時時刻刻都喺爆汗狀態，但好開心終於可以曬番黑丁點。搵間舒舒服服嘅舖頭，坐低食碗拉麵，已經好滿足了 #見字飲水」不過今次網友對佢啲溫馨相錯晒重點，因為一向熱愛跑步、做運動嘅佢，忽然有暴瘦迹象，情況令人擔心！
見佢着上黃色入膊上衣，加上縮膊頭擺pose，竟顥得佢好似瘦到皮包骨咁，另一張相亦見佢雙腿瘦到變火柴，骨感十足，令網民都係咁留言問：「感覺你太忙冇時間食嘢」、「要注意身體呀…」、「瘦到有點心痛，多食一點，健康才是最美」，真係我見猶憐。
湯怡自己都有解答網友，指自己其實10年前仲瘦過依家10磅：「有啲人覺得我fit，有啲人覺得我瘦，個個都問點解我瘦咗咁多，但其實我呢十年嚟都無變過。十年前仲瘦過依家十磅添，而我由細到大都係好骨感的 只係可能大家以前未留意到 自問我食嘅嘢都幾多，但就算我食幾多都要吸收到先得，無論點都好，身體健康就好了。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|