ERROR成員193（郭嘉駿）前日（18日）於土瓜灣駕駛座駕倒車時，撞跌一名欲過馬路的婆婆，事後他於社交網澄清事件來龍去脈，引起不少網民熱議。而193原定於明日（21日）與歌手歸綽嶢（Nancy）在中環出席服裝品牌活動，之前還預告活動上將會展出由他設計的牛仔褲，日前他也在限時動態出Po為活動宣傳：「8月21日見！」但今日（20日）大會突然宣布活動取消，取消原因未知是否與193座駕撞到阿婆倒地一事有關。不過，直至今日（20日）下午約6時，活動公關指活動照舊進行，只是由公開轉為不公開形式、不接受傳媒採訪。
傍晚，193透過社交平台發言，表示：「尋晚好夜先收工，返到屋企唔係好瞓得着一直都喺度反思自己嘅行為，可能因為第一次揸車碰撞到路人。當時自己都好亂好心慌唔識應該點應對處理，但我完全明白我駕駛係有唔正確嘅地方。以後一定會非常非常小心，遵守交通規則，同埋留意路面所有情況。而我最怕係見到網上不實嘅報道話我不顧而去。例如將啲片Cut頭cut尾，令痛錫我嘅人見到呢啲不實嘅資料會唔開心，甚至同人鬧交。所以我尋晚收工即刻Backup返個車cam，想畀大家知我一停車就馬上衝落去慰問婆婆(或者其實應該形容佢為姨姨)問佢需唔需要報警或去醫院。最後希望姨姨佢一切安好。事件已交由律師及執法人員處理，所以我暫時不能夠回應太多。感謝各位關心。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|