▲方中信話囡囡學騎馬開支好大。
方中信與太太莫可欣的16歲女兒符迦晴自小熱愛運動，7歲已開始學習騎馬，專攻馬術三項賽，並屢次獲得優秀的成績更入選香港青少年馬術隊，認真叻女。
日前方中信出席TVB監製王心慰的榮休晚宴，罕談對16歲女兒符迦晴學騎馬的看法。
叫囡囡改學劍擊？
他搞笑地說：「我覺得佢應該學劍擊啦，一來我畀少啲錢，二來劍擊依家幾勁，你睇張家朗、江旻憓，都可以發展下，唔使成日騎住隻馬。」
不過他直言女兒有興趣和天份：「細個騎啲pony仔，越騎越大、越騎越貴，我仲要繼續做。」
年輕騎手
其實迦晴是獲選入香港馬術精英計劃（HKEPP），是重點培養的年輕騎手之一，她曾取得雙魚河馬術中心三項賽（HKE80組別）第四名（中國香港）以及雙魚河馬術中心三項賽（HKE80組別）第七（中國香港）等。
現時她為香港賽馬會青少年馬術隊成員，主打盛裝舞步賽、越野障礙賽及場地障礙賽三項賽馬術項目。
熱愛騎馬
回想初次接觸馬匹，迦晴說：「第一次接觸隻馬好溫柔，騎馬Party中會畀你上馬及有人拖住隻馬行，學識咗就覺得好好玩，亦會餵佢食零食，比賽時幫隻馬紮辮，培養感情。」
最新影片推介：
HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m
追蹤TOPick WhatsApp頻道睇最新資訊︰http://tinyurl.com/3dtnw8f5
本文作轉載及備份之用 來源 source: http://topick.hket.com
|
鍾意就快D Share啦！
|
|
|
