無綫監製王心慰舉行榮休宴，陳凱琳（Grace）、鄭嘉穎、方中信、賴慰玲、馬德鐘及唐詩詠等均有出席，曾與王心慰合作的方中信，直言拍攝《烈火雄心》最為難忘，雖然過程辛苦，幸當年算年輕頂得住。提到愛女符迦晴成為香港賽馬會青少年馬術隊成員，方中信搞笑表示：「細個騎啲Pony仔，點知佢愈騎愈大，愈騎愈貴，做爸爸真係好慘，所以我都要繼續捱。」
與老公嘉穎甜蜜現身的Grace，受訪時就表示趁機敍舊，她說：「真係好開心，因為真係好耐冇拍劇，成日都講，只要喺屋企開住部電視，就會好掛住拍劇，嗰晚開心係因為除咗見到一班藝人，仲有梳、化、服同事、幕後工作人員、導演都見到，呢個感覺真係好正，即刻好多回憶番晒嚟，我仲有同老公講，一見呢班人就好自然諗番以前拍劇集《殭》嘅時候好多點滴。」
至於唐詩詠就表示晚宴場面溫馨，感覺似家庭聚會：「方中信仲要專程嚟，證明Amy姐（王心慰）佢好好人緣，大家都想嚟同佢食餐飯，期間見番好多合作過嘅演員，又有啲係訓練班出來嘅、幕後同事都見到，真係好開心。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
