李德能表示：「我哋乜嘢都無都好啦，我哋一定有心，同埋一定有誠意。」他說自己起初抱住謙遜、戒慎恐懼態度去做主持，希望運動員及幕後團隊得到應有認同及尊重，亦冇想過要特別創作什麼成績，續說：「今日咁啱奧運下半場，過咗半程啦，我哋多媒體部門同事，分享第一周收視紀錄同數字，我發現其實喺一啲場合，例如開幕禮、張家朗、何詩蓓比賽時段，我哋網上直播及YouTube平台都係最多人睇，見到都有啲受寵若驚。」然而他不敢太過開心，只提醒自己既然HOY TV多人睇，就更加要在第二周想辦法做得更好，他說：「雖然我哋未必擁有好龐大嘅資源，但我哋有同運動員一樣嘅心，就係我哋有幾多能力，希望喺呢個兩個星期入面、盡量喺呢場比賽裏面用出嚟。」
李德能與團隊的表現獲得觀眾和公司認同，不過，現年63歲的他晚晚要捱夜做節目，主持到深宵，難免令觀眾擔心他不夠休息。而今日（5日）凌晨，播完難分難解的田徑男子100米決賽後，李德能竟忽然流鼻血，他笑謂：「好刺激呀！刺激到我流鼻血呀！」旁邊的劉健基則為他打完場，「唔好意思呀，德能兄而家有少少流鼻血，所以我哋同大家講聲再見喇！聽日見！」
觀眾都擔心他是否捱夜太辛苦，加上天氣燥熱所以流鼻血，不過由於講到德能兄流鼻血時，鏡頭有幾下特寫旁邊的專項評述主持陳佩琦，網民就立即錯重點：「條女咁正實流啦」、「影住條靚女，跟住話阿德能流鼻血，係咪玩X佢先？」、「個女主持都唔係著得好刺激啫。」、「又沙排又佩琦點頂」。
陳佩琦確實好靚女，令人眼前一亮，而且其田徑實力亦不容忽視，現年24歲的她，早在16歲時已在學界打響名堂，她以11.85秒追平香港女子100米青年紀錄，曾獲得亞洲少年田徑錦標賽女子100米亞軍和女子200米亞軍，18年和23年都有參加亞運，亦挑戰過世界大學生運動會等，名副其實是為「女飛人」！
本文作轉載及備份之用 來源 source: http://www.hk01.com
|
鍾意就快D Share啦！
|
|
|
