1998年香港小姐季軍吳忻熹（前名：吳文忻），2011年嫁畀「南丫島王子」陳劍陵後，育有2女嘅佢亦鮮少亮相幕前，專心相夫教女。而不時透過社交網分享生活點滴嘅佢，日前就透露自己2年前確診乳癌，今年不幸復發嘅同時，更已經係第三期並擴散至淋巴腺。
向來報喜不報憂嘅吳忻熹透露，原本病情一直剩係得丈夫及1、2位朋友知道，經過手術切除出約2.5cm嘅癌細胞後，拒絕化療並崇尚自然療法嘅佢，雖然每半年會再檢查一次，不過就甚少睇醫生食西藥，未料如今癌症復發嘅佢，唔止發現癌症第三期，癌細胞增長至5、6cm之餘，更擴散至淋巴，目前已無法手術處理，必須做化療及免疫治療，病情嘅惡化亦令佢決定同家人坦承及一起面對。此外，吳忻熹亦晒出接受化療時嘅自拍照，受副作用影響身形明顯消瘦不少嘅佢，亦坦言一度有「在家中等死」嘅感覺，但向來樂觀嘅佢更不忘鼓勵道：「醫好自己幫到人！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|