《2024年香港小姐競選》節目引起一陣討論熱潮，有網民更封亞軍梁嘉莹為「黑肉港姐」。對此亞軍梁嘉莹接受《香港01》訪問時就對這個「黑肉港姐」大表歡迎，她笑言：「幾好㗎，參選香港小姐呢個係我character、特色。改個『黑皮港姐』或者『黑皮公主』比較好聽啲喎。」
普遍香港人愛好皮膚白，如果TVB要求她美白呢？她也表示不抗拒，說道：「我可以變白，但係呢個係為咗TVB嘅要求，如果我要變白嘅話，肯定唔會因為人哋鍾唔鍾意呢件事，其實我自己係鍾意黑啲。」她也表示，可以為配合工作需要而「變白」。
季軍楊梓瑤在競選中，被網民評「廣東話有口音」，她也回應：「我覺得可以慢慢練習啦，我覺得大家都睇咗我進步，（由）TVB面試到而家其實我進步咗好多，廣東話有好大進步。跟住我覺得我之後喺TVB工作嘅話都會進步。（會唔會介意？）唔會，因為我知道我係有口音，我會接受。係呀，我喺荷蘭出世，荷蘭長大，（所以）有口音係好正常。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
