藝人吳文忻（現名吳忻熹）早前自揭兩年前患乳癌，今年復發癌細胞更擴散至淋巴。她透過社交平台分享抗癌日記。日前，她表示接受數次化療後開始出現大量的脫髮，近日她決定剷光頭，並更由兩名女兒親自操刀。
吳忻熹鼓氣最大的勇氣，找來11歲女兒Scarlet和8歲幼女Season替她剷光頭，她表示希望女兒可以從中感受到正能量，表示︰「由細到大都係我幫佢哋剪頭髮，依家佢哋有機會幫媽咪，甚至乎剃頭喎，我諗佢哋長大後諗番，會覺得係一件好難忘好正面嘅事，同埋變咗一件親子嘅事。細女仲話想同我一齊剃，想陪我，好有義氣。」
性格樂觀積極的吳忻熹，表示：「凡事真係兩面睇，我之前就係十萬個不願意剃頭，想不到，我現在覺得自己剃完頭仲型和有「重生」嘅感覺呢！光頭真係超方便！又唔使洗頭，吹頭，拉直啲頭髮，原來光頭仲多做型可以玩！I start to like it!」
本文作轉載及備份之用 來源 source: http://hk.on.cc
|
鍾意就快D Share啦！
|
|
|