他透露，現時以教唱歌，本行音響工作，企業培訓。「例如就係我負責教唱歌，team入面其他人負責教樂器，team building嘢嚟，我都好主力做緊呢樣嘢，因為好幫到自己嘅network。都幾新奇，可以幫到企業嘅辦公室人員，本來唔識音樂，但係短時間之內可以夾到一隊Band。有啲同事可能真係爭少少，但係唔緊要，可以盡力去做。」他表示，有參加者本來是五音不全，但經過三個月後就變得「唱到一首歌」。他亦表示《中年好聲音3》參加者中，也有他的學生上「雞精班」。
對於欠債一事，他十分正面面對，說：「開始進展，但係都未話可以好快還到好大筆。因為唔係打工，有陣時啲客戶找錢遲咗，佢哋都好體諒，如果體諒唔到就盡量協調。」他坦言自己要正面面對欠債一事：「自己小朋友都一歲，佢都要有將來，作為爸爸都要做一個好榜樣。」
除了以上工作，原來工餘時候他也會做「歩兵」送外賣。他說：「講真，嗰陣時拮据到去一個程度，做『步兵』真係有荃灣行去葵涌。年頭或者再之前，試過八達通剩返$5，返到屋企出唔到嚟，所以而家就想方法盡快擺脫呢個困境。team building工作唔係經常有，所以我一有時間就做『步兵』，可能朝頭早9點見到有單就去，啲時間攝晒入去，可能一日就係朝10晚6。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|