回復單身的歐倩怡（Cindy）近期頻頻曝光，超過20年沒有擔任幕前工作，Cindy接受HOY TV節目訪問時坦言「復出」後有不少壓力：「好多人同我講，依家嘅娛樂圈同我20幾歲時嘅娛樂圈分別好大，以前我做宣傳嘅時候，係得我一個單向面對傳媒，但依家多咗好多網上媒體，只要有人留言，就會引伸好多唔同話題，近排都會緊張同埋驚，其實你睇番我20幾年前嘅訪問，我都係一個好多嘢講嘅人，大家冇見我咁多年，可能同大家預期嘅唔同，覺得我好似冇長大過！其實我不嬲都係咁！」
談到網上平台的言論惹來不少負評，Cindy表示極度不開心：「我完全冇諗過個訪問出街之後，會惹來咁多嘅負評，大家冇見我咁多年，你唔知身體出現過咩問題，我經歷過啲乜嘢，我只係純粹分享，冇任何意圖或企圖做任何嘢，坦白講嗰件事之後，我匿埋咗屋企喊咗3日3夜！我只係用我嘅真性情示人，原來大家會接受唔到，好多前輩亦同我講你唔可以太真㗎！要識得保留，所以依家我講嘢都會小心好多! 」
本文作轉載及備份之用 來源 source: http://hk.on.cc
|
鍾意就快D Share啦！
|
|
|