貧賤夫妻百事哀，絕對是張致恒（Steven）和老婆雯雯的寫照，要養活4條「化骨龍」已經不容易，Steven還周身街數，雯雯一日到黑自怨自艾，五時三刻就鬧爆老公，即使Steven近日變成「職安真漢子」，看來家境也幫助不了多少。
雯雯今日（1日）又發功，社交網限時動態連環出Po，呻被人追數追到逼埋牆：「最窮、最折墮，面臨冇屋住、冇飯開，生存唔到時，已經最乞丐，你要我哋還錢可以直接講，但唔係用啲咁嘅手段，當初你自願主動幫我一家無限感激，但你用咁嘅手段，一家嘅食飯錢都畀你呃埋！」她然後再出Po：「唔係逼到埋牆，冇人會出嚟乞，5年，我真係好攰好厭！」她之後再發文有輕生念頭：「如果有人可以令我放心，放下小朋友，你估我唔想去搵肥妹（已故愛貓），我真係好掛住肥妹！」有網民問「點解唔拎綜援？有需要點解唔拎？」但雯雯無奈回應：「個個都問，拎到拎咗。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|