陳卓賢（Ian）今午（25/10）出席運動服裝品牌活動，自爆小時候曾因為拉筋而流淚，所以就算打排球的話，都會揀另一啲熱身。平時靠聽音樂同做運動放鬆心情 ...
陳卓賢（Ian ）今午（25/10）出席運動服裝品牌活動，自爆小時候曾因為拉筋而流淚，所以就算打排球的話，都會揀另一啲熱身。平時靠聽音樂同做運動放鬆心情嘅佢，問到同愛犬雞髀玩會唔會有助放鬆心情，他即說︰「要睇佢情緒激唔激動，佢呢排平靜少少，可能因為換季。」Ian曾經話過雞髀一年換毛兩次、每次歷時半年，所以執毛都係佢日常放鬆心情好嘅一項選擇。
Ian 自爆早前拍完團綜《MIRROR Chef》後當晚發燒，笑言可能因為試菜試出事。「我仲要發住燒去拍通宵MV，因為我哋有小組歌。我唔知係咪拍綜藝，又或者佢哋處理手法有問題，搞到有菌。（邊個？）我唔開名。」Ian又笑言今次莫名對大家放下戒心，結果出事，所以決定提高防線。
陳卓賢（Ian ）出席運動服裝品牌活動。（陳順禎 攝）
![]()
![]()
![]()
![]()
![]()
提到MIRROR 6周年見面會，坐位分配不均問題，Ian表示：「主要都係想大家一年一度聚會，大家一齊開心，好感恩大家每年都咁陪住我哋成長，一轉眼已經6年。」
