得寵先生｜鄭丹瑞安排真女兒演「阿姐」 即場加對白暗示想抱孫
戲中AnsonBean飾演外賣員，自言當時好緊張，「好多謝導演同旦哥的包容，自己好鍾意呢套戲，因為好鍾意小動物。」而Amy同樣因為可以跟狗狗拍戲，顯得興奮。「拍到動物電影好難得，而且小本製作，未必立即吸引觀眾目光。」至於跟旦哥合作，就力讚對方冇前輩包袱︰「好似一個爸爸，會買咖啡買朱古力畀大家。」
今次亦是Jay Fung首次拍電影，飾演Amy男朋友，最令Jay Fung擔心除了對白，就是襯唔起對方。「佢又靚女又高，唱歌又好聽。至於對白全部都係拼音，變成Jay星文，所以好怕臨場改對白，要重新練過。喺呢度都好多謝公司同事幫我翻譯個劇本，亦多謝Amy畀好多鼓勵，希望冇拖累大家。」
戲中Jay Fung是位200分暖男，Amy自言被他徹底融化︰「我喺現場好努力去維持固體形狀，佢講嘢好溫文，好sweet，連嗌交戲都會有愛在內。」原來二人本身都拍咗場親密戲，但據知最終會被導演刪走。Jay Fung就搞笑回應︰「可能係我自己做得唔夠好啦，唯有對住個鏡再練習下，或者對住隻手，希望電影有第二個版本推出時可以睇番。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|