唔講得｜葉童與黃德斌首次合作舞台劇做夫婦：外表粗獷但內裡溫柔 #葉童 #黃德斌

葉童和黃德斌首次合作演黑色話劇舞台劇《唔講得》，今日（8/11）於西九戲曲中心大堂進行綵排。對於二人首次合作便飾演兩夫妻關係，葉童受訪時表示：「雖然我 ...

葉童和黃德斌首次合作演黑色話劇舞台劇《唔講得》，今日（8/11）於西九戲曲中心大堂進行綵排。對於二人首次合作便飾演兩夫妻關係，葉童受訪時表示：「雖然我同佢係演一對夫婦，但演演吓又唔係夫婦，當中我同佢係有好多緊扣嘅關係，咁所以其實我哋嘅關係同情緒，每一場戲都唔一樣。有陣時會好好，但有陣時就好差。（有冇唔小心俾德斌電到？）哈哈，佢而家喺我隔離，咁所以我梗係要話有啦，有呀，好電好暈呀。不過講真佢份人都好有風度，佢一個好溫文爾雅嘅人，雖然佢外表就比較粗獷啲，但事實佢個人都好溫柔。」

德斌接著說：「其實我哋喺劇入面，有好多對白講起上嚟係會比較蹺口，但經過咁多次密集式訓練，我哋已經背到好熟。始終啲對白係好生活化，生活化到都唔知自己係講緊對白，因為你唔會記得自己講過啲乜嘢，但你而家就要記住自己講過啲乜嘢，所以就好似講完就好似冇講咁。」

提到有人在社交平台放售《唔講得》舞台劇門票，更宣稱可以到後台影合照。葉童表示：「絕對係冇啲咁嘅事，而且我哋又唔會咁市儈，唔一定要買飛先可以影相嘅，不過但最緊要係關係好囉。」

本文作轉載及備份之用 來源 source: http://www.hk01.com

鍾意就快D Share啦！

下一篇 》