女星楊穎（Angelababy）被內地娛樂圈解禁後，仍未見有內地工作或影視作品見街，近日傳出她將會參加《乘風破浪的姐姐》第6季，望能亮相節目成為復出平台。不過日前就有Angelababy對接方，代為發文否認，令復出又撻Q，然而有粉絲就改為力Sell她的待播劇《漫影尋蹤》、《相思令》，當中《相思令》就見到在影視平台上架。
內地事業未見起色，Baby似乎將重心放回成名地香港，見她近日留港居多，又出席經理人Kim的生日P，她昨日（25日）又一副鬥格，以一襲開衩晚裝亮相香港時裝設計師Kay Kwok的時裝騷，見她大晒香肩，全程笑容滿面，十分風騷，成為全場焦點。有網民指：「真正復出在香港？」至於無綫小花陳瀅亦有到場睇騷，穿上露背晚裝的她明艷照人，成為另一焦點。
此外，有份出席的名模琦琦，表示香港已很久無舉行過如此大型的時裝活動，請到外國時裝設計師同香港設計師，成件事好出色，感覺香港依然繁榮和熱鬧，昨晚嘉賓星光熠熠，「好耐冇見Baby，好開心，佢依然咁靚、咁可愛，仲有莫文蔚，之前莫文蔚喺北京鳥巢開騷，我喺外地睇唔到，期待喺香港開騷，一定捧場。（技癢想行騷？）坐喺度睇騷舒服呀！做觀眾欣賞都幾好，我都睇中咗幾件衫，幾靚。」她又稱隔着玻璃外望會看到香港美麗夜景，一邊睇騷一邊看夜景，感覺好夢幻。
本文作轉載及備份之用 來源 source: http://hk.on.cc
|
鍾意就快D Share啦！
|
|
|