迪亞高李安下季才可以為曼聯披甲。
曼聯早前成功收購巴拉圭新星迪亞高李安，呢位17歲左後衞飛抵曼徹斯特報到，接受體測，但由於佢未仲夠18歲，唔可以註冊，要等到7月先至正式成「魔」。
據悉曼聯向迪亞高李安母會波特諾支付400萬美元(約3,100萬港元)固定轉會費，另有100萬美元(約780萬港元)浮動轉會費，完成交易後，迪亞高李安成為紅魔鬼史上首位巴拉圭球員。不過，呢位「巴拉圭卡路士」未夠秤，所以會繼續效力波特諾至夏天，意味下季先至可以為曼聯披甲。
曼聯會方現時率先安排迪亞高李安前往曼市進行體測，了解當地環境，參觀奧脫福球場等設施，佢將於周二(14日)返回巴拉圭，為巴拉圭U20備戰國際賽。由於勞基梳爾經常受傷，曼聯欠缺左閘球員，迪亞高李安被視為勞基梳爾嘅接班人。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
