基哥入到屋，第一時間將蘭花盆栽擺放在客廳中的茶几上，即時為家居增添不少喜喜洋洋過年節日氣氛。講到新的一年大計，基哥笑言：「其實我嘅大計就係冇大計，因為我哋做呢行，就算你幾努力去爭取都未必得，咁所以我哋都係好被動，但都要努力要做好準備，當啲工作嚟到嘅時候都可以做啦。不過今年我又覺得幾開心，因為過完年之後，喺2月25日，就會喺文化中心開一場嘅演唱會，27號就去美國同加拿大做七場嘅巡迴演唱，咁所以十分期待。」
基哥作為飛機愛好者，家中客飯廳旁有個維修模型飛機的工作坊，當中擺放了不同的工具及零件相當齊全，為基哥維修模型飛機更加得心應手：「其實咁多年嚟，對遙控模型飛機嘅興趣係有增無減，加上我未婚妻仲未喺我身邊，變咗好多時間出咗嚟，咁所以我而家一得閒都會整吓飛機，相反以前未婚妻喺我身邊嘅時候，就冇時間整。雖然佢都鍾意飛機，但佢就唔鍾意砌模型飛機，始終佢係女孩子，唔會好似我哋啲男人咁會去到荒山野嶺，而且又曬又污糟，女孩子係唔得嘅。」
特別鳴謝：WITH FLORA 萬華園
本文作轉載及備份之用 來源 source: http://www.hk01.com
|
鍾意就快D Share啦！
|
|
|