李珊珊接受《香港01》訪問時透露當年是由她提出這個構思，她說：「當時老闆好好，我就俾啲意見佢點拍法，咁啱我又係屬蛇，咁不如搵條蛇郁吓會唔會好啲，冇諗過又幾好效果。」她透露自己是第一次接觸真蛇，但不是太驚，她說：「蛇如果驚慌就會瀨屎和瀨尿，臭到十級，我反而好介懷呢點。」她透露原本綵排時候是安排一條白色蠎蛇，但牠經常「躺平」不動，最後換上另一條過山烏，珊珊說：「好在條蛇又好聽話，冇驚，我幾想買返嚟放生佢。」不過，因為蛇在珊珊的兩腿間穿過，當年遭TVB禁播廣告。
問到是否身材最佳狀態？她說：「選美時健康啲，當時佳麗有計算過體脂肪比例，個個都負數，我係最健康嗰個，仲上埋A1，影蛇時候應該係最瘦。」
李珊珊每次性感演出都是為慈善，她透露除了兩本寫真集外，連纖體廣告亦有為兒童癌病基金籌款。而她每次都是由同一位攝影師操刀，就是已出家的葉青霖，現法號常霖，珊珊解釋：「第一個廣告就係拍葉青霖嘅婚紗公司，做咗五、六年代言，所以好信任呢個人，同覺得呢個地球得佢拍得我靚，唔係其他人問題，係我唔靚，所以我唔靚葉青霖都影到我靚所以好感激佢。」
問到有沒有保留相片作留念？她說：「冇，相權喺葉青霖度，佢出家一次過燒晒，底片都燒埋。可惜？依家咁先進，上網搵返都可以print返出嚟自己收藏啦。」她笑言不自戀，當年做婚紗代言人亦有不少靚相，但沒有留念，她說：「佢哋換相問我要唔要，我都唔知點要，牆紙咁大幅，所以冇呢個衝動，如果睇網上都有。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|