無綫《愛．回家》女神葉蒨文（Sophie）剛過去的情人節前宣布恢復單身，與拍拖多年的前度已經分手，她隨即與關嘉敏及羅毓儀等參加戀綜節目《女神配對計劃》齊齊「爭仔」，記者會上更公開談擇偶條件，直認自己喜歡有男子氣概、勇敢及有擔當的男生。
報道甫出街，即有網民質疑她早有舖排兼「伏線」，更有可能是扮單身呃演出機會，令人大感無奈﹗身為當事人的Sophie卻打趣說﹕「同男友分手後冇特別公開，但粉絲係知道嘅，我覺得喺下面留言嗰啲應該唔係我嘅忠實粉絲，亦唔算係follow開我嘅人， 再唔係就佢哋好欣賞我，所以覺得我冇可能冇伴侶，哈哈﹗」
她又續謂﹕「其實以往有單新聞（緋聞）出咗，都有人話我為咗撇清嫌疑，所以先公開有拖拍，但根本我一入行冇耐已經公開拍拖啦。我對於網上不同嘅留言都見怪不怪，有啲人睇啲唔睇啲、或者以偏概全都習慣晒，對於呢啲人講嘅嘢，我會一笑而過，不過我都會盡量解釋清楚，講完一次啲人唔聽就算數嘞。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|