由視帝陳山聰、張振朗、丁子朗、劉穎鏇、劉佩玥、郭柏妍等主演嘅無綫熱播劇《奪命提示》，收視高企有晒話題性，估唔到佢哋一班拍完都仲咁好默契，尋日（15日） ...
由視帝陳山聰、張振朗、丁子朗、劉穎鏇、劉佩玥、郭柏妍等主演嘅無綫熱播劇《奪命提示》，收視高企有晒話題性，估唔到佢哋一班拍完都仲咁好默契，尋日（15日）就齊齊上載自己黑圖，喺片場瞓着嘅「靚相」，仲要個個唔同款，睇到網友好過癮。
當中陳山聰、劉佩玥、張振朗就繼續靚仔靚女，點瞓都咁靚，陳山聰更係型到好似影雜誌封面咁，真係天生麗質難自棄。相反丁子朗、劉穎鏇、郭柏妍就各有各睡相，當中劉穎鏇露齒瞓；郭柏妍天生神力可以企喺度瞓；丁子朗更係誇張到反晒白眼，睇到網友驚驚，不過佢就好自豪，夠晒搞笑。
