K師傅原來是第二位幫Amy裝修的師傅，K師傅表示自己當初出於好意為Amy協助處理前者未處理好的地方，亦為她進行大量前期工作。但Amy就表示：「係咁拆爛我間屋，係咁同我攞錢買材料，三萬幾蚊買材料，到依家都冇送過嚟，唔知點解要將隻窗擺喺出面棚架，心諗跌咗落街，賠死個業主。」不過原來「案中有案」，K師傅今次出面解釋事件，指是Amy一方出現問題。
就著把窗放出棚外，K師傅承認是自己的疏忽，因為他當日被管理處趕走：「當晚佢已經換咗把鎖，同埋已經通知咗管理處，唔再畀我哋上去啦。咁其實我都做唔到任何嘢㗎喎，我冇估計過第二朝已經唔畀我哋上去。」K師傅想知道到底他是否如Amy所說般不負責任，但Amy之前又說，是因為K師傅幾天沒上去才換鎖，雙方各執一詞，到底誰是誰非？
除此之外，K師傅又指，Amy對第一間裝修公司亦極不尊重：「基本上同佢演繹畀我哋聽，俾第一間呃係完全兩樣嘢嚟！當上一間公司入到嚟嘅時候，佢整個情緒係非常之高漲，而期間嘅對話內容係完全唔理性嘅。」雖然K師傅想出聲制止Amy，但就被她表示：「我明玩佢㗎！」
而第一間裝修公司的負責人周師傅亦有現身，他指開初是「蝕住咁做」，又曾經因為四道門等了Amy 6個鐘！周師傅更大爆當時Amy的種種不合理要求，其中有兩隻門不收貨，她便要周師傅搬走！其後，周師傅與K師傅都因為不同原因，被Amy於網上鋪天蓋地在各個裝修群組唱衰及起底！
K師傅表示已經向私隱專員公署作出投訴，打算從民事方面追討賠償，到底誰是誰非又是一件「羅生門事件」。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
