藝人黎燕珊大女劉詠詩（Wynce）與從事IT界的男友鄭健民（Kenneth）結束12年愛情長跑，去年已註冊結婚，並待囡囡鄭凱蕎（Eleana）出世後，於今晚（6月7日）晚上假酒店擺婚宴暨弄瓦喜酒。
今早在酒店進行接新娘及斟茶給長輩儀式，「逆齡外母」黎燕珊與女兒齊穿上裙褂，開心又興奮陪女兒出嫁，當她把女兒交給女婿時，不時叮囑Kenneth要好好待她的女兒，不能大聲跟Wynce說話，她笑着道：「我自己係單親媽咪，一手一腳湊大一對仔女，終於等到佢今日成家立室，以後由老公照顧個女。」黎燕珊又謂接新娘時，最感動是女婿對囡囡詠詩講愛的宣言及唱情歌，她說：「從佢認識到拍拖，呢段日子絕對唔短，過程中互補不足，真係好感動，我祝福阿女家庭幸福，白頭到老，白髮齊眉，兒孫滿堂，哈哈！」
一對新人跪地斟茶給媽媽黎燕珊及外婆，黎燕珊送贈女兒一對重磅龍鳯金鈪，親友們所送金器亦金光燦爛，整天笑不攏咀的黎燕珊透露婚禮前一晚原來非常忙：「我終於明白辦喜事都好勞心勞力又緊張，怕待慢嘉賓。」雖然她拍戲也演過不少婚禮情況，但親身經歷又是另一回事，她說：「自己親身去經歷做主人家，冇試過真係嫁女，真係難以形容咁興奮㗎！好開心！過去我哋一家三口去行呢條路，直至我個女認識我女婿後變成一家四口，𠵱家仲變埋一家五口，因為我做埋最靚嘅婆婆最開心有埋孫女Eleana嘞！」
黎燕珊對女婿Kenneth相當滿意，但將女兒交給女婿時不忘向健民訓話，她謂：「女兒詠詩係我心肝寶貝，所以唔准大聲同我個女講嘢，如果有日真係覺得我個女脾氣好難頂就同我講，由我教番個女先再交番畀你。」不過黎燕珊亦叮囑女兒做了媽咪後，凡事都要考慮丈夫及女兒，要有責任感，如她當年做單親媽咪後，任何事都以仔女為先，甚至乎過條馬路都要小心翼翼，她說：「除咗有我信仰支持之外，我都會好小心。」
詠詩出嫁後，黎燕珊坦承現在最期待囝囝劉德權（Dicky）也成家，她說：「時間過得好快，個女都有自己家庭，期待我個仔，應該都好快嘞！自己人生最大嘅功課，就係湊大一對仔女。」又寄語一對仔女，行好未來的人生路，她帶點感慨眼濕濕說：「我自問呢份功課係超過100分，嚟緊以後條路就交番畀佢哋，希望佢哋可以好似媽咪咁，做好呢份功課」
本文作轉載及備份之用 來源 source: http://hk.on.cc
|
鍾意就快D Share啦！
|
|
|