今個月生日踏入47歲嘅韓劇女神河智苑，接連經歷喪父及喪弟之痛，影視產量明顯減少，粉絲都擔心以後好難喺大小螢幕見到佢。之不過你定啦，女神自有打算。嗱，最近就有網民喺街頭捕獲女神芳蹤，只見佢一身性感小背心， 導彈級豪乳幾近破衣而出，小蠻腰更係恨死隔籬！嘩，狀態大勇，索到啪啪聲！
網民將相片上傳到《小紅書》後，惹來中港台熱議，女人固然對女神「不科學」身材羨慕嫉妒恨，男人更係睇到流晒口水！女神亦有喺社交網發布同系列照片，唔止巨乳不科學，就連童顏都跟十幾年前《秘密花園》時期冇乜改變！喂，原來呢個世界真係有不老的傳說㗎！
好消息梗係唔好畀佢停！河智苑呢輯噴血靚相，原來係為自家護膚品牌拍攝宣傳照，你話有乜好得過以自己為生招牌吖！接着亦傳出女神落實回歸韓劇界，即將與朱智勛、吳正世等合作新劇。女神全面復出，睇嚟已走出喪親之痛，粉絲都好戥佢高興。
話時話，女神對嘢──呀，唔好意思，應該係女神對導彈級豪乳至啱，早就聞名遐邇，話係國寶級胸器都冇誇張。出道初期，女神仲係寂寂無聞，喺電影處女作《真實的遊戲》上演超激露點戲碼，豪乳初露，先聲奪人；其後主演電影《我班FRIEND好搞嘢》，其中一幕着住薄透睡衣凸點，至今仍被譽為不朽經典。
同好多女明星一樣，成名後珍惜羽毛，河智苑將脫過嘅衣服逐一穿上，再無性感大膽演出，只係偶爾出席活動「露兩手」，每次例必引來哄動。今番再次演嘢，風采不減，證明女神即係女神，一出手就零舍不同！
本文作轉載及備份之用 來源 source: http://hk.on.cc
|
鍾意就快D Share啦！
|
|
|