日前明星足球隊接受影片頻道訪問，談他們對趙浚承的感覺。譚詠麟坦言早年趙浚承其實只是劉德華的替代品：「我識佢冇十年都有八載，我嗰陣做咗隻叫《欣賞》嘅碟，跟住就做巡迴。隻碟係同人合唱，我一個人唱唔到兩把聲，咁就搵Gary嚟，代替華仔、孫楠，總之我喺tour要唱嘅歌……佢就代替我對手。」
明足球隊成員譚詠麟、陳友、黃日華都覺得趙浚承是有實力的，但就指他欠缺自信心，而譚詠麟就覺得他是可以的：「佢有佢嘅基本功，但佢嘅信心係要加強。因為佢可能離開咗娛樂圈都耐，佢有一定實力，只不過要將佢收埋好耐嗰啲細胞激活返佢，咁就得喇！」
陳友則大讚趙浚承是《中年好聲音3》中最靚仔的選手，而吳家樂就大爆趙浚承真實人品。吳家樂表示：「球場上嘅表現呢，其實佢有咁嘅身形，佢有力度，但佢偏斯文。因為球場係個易受傷嘅地方，如果你一縮一讓，好易令自己被整親。」吳家樂覺得趙浚承不想弄傷他人，所以經常忍讓。
本文作轉載及備份之用 來源 source: http://www.hk01.com
|
鍾意就快D Share啦！
|
|
|