藝人郭柏妍近日遇上敏感突襲，搞到面容腫脹似「毀容」！她形容事發時氣管收縮，呼吸不暢順，急撲醫院求助，幸打針後情況得到紓緩。曾與她合作拍劇的陳曉華聞訊送上祝福，但一提起緋聞男友朱敏瀚，自身難保的她即「敏感體質」發作。
前港姐季軍郭柏妍出名靚女兼仙氣十足，獲粉絲捧為「女神」，近日她突然在社交網上載多張「恐怖自拍」，五官嚴重浮腫，一雙大眼更紅腫至只剩「一條線」，驟眼看十足毀容！遇上這種突發情況，郭柏妍亦相當震驚，凌晨急往醫院求診，引起網民熱議。
經診斷後原來是食物敏感所致，她說：「原本我以為食物中毒，依家暫時有大方向估到係咩食物令到敏感。唔夠半個鐘隻眼腫晒，少少睇唔到嘢，氣管突然間收縮，抖唔到氣，流眼水同流鼻水！Sorry嚇親媽媽了，令身邊嘅人擔心了，依家打咗針、食咗藥，如果大家有Check過食物敏感嘅話，歡迎話畀我聽邊一間（化驗所）好，麻煩晒。」
郭柏妍的照片震驚大批圈中好友，紛紛留言問候，其中胡定欣忍不住問：「你當日食過咩？」劉溫馨及陳煒祝福：「快啲好番！」馮盈盈則叮囑她保重及小心身體。郭柏妍昨午親自回覆記者表示：「我依家好番好多喇！係嗰日比較嚴重啲，喺醫院打咗支針已經舒服好多，多謝大家關心。」但問到致敏原，她未有正面回應，相信還在檢測當中。
陳曉華對緋聞敏感
早前與郭柏妍合作拍攝新劇《金式森林》的陳曉華，昨日在尖沙咀出席美容品牌開幕活動，提到好姊妹入院一事，她說：「我冇食物敏感，但試過皮膚敏感，成塊面腫晒，最後要入院打抗敏藥。」她自言體質敏感，被記者取笑聽到緋聞男友朱敏瀚的名字便敏感，她靦腆承認聽到緋聞就敏感，着大家不要再提。
另外，談到嘗試美容療程後，早前與朱敏瀚觀看球賽有否獲對方讚「靚咗」？她說：「完全冇，我哋專心睇波，而且我哋係見唔到大家嘅，只係一齊有張差唔多嘅飛啫！（會唔會叫埋佢做Facial？）我會叫晒所有朋友嚟試。」又透露近日在深圳拍攝新劇《新聞女王2》：「我好鍾意今次個角色，係一個壞女人，上季因為被欺負，今季返嚟報復『Man姐』（佘詩曼），希望令佢遇到好多困難。」
更多新聞，請瀏覽東方日報網頁：
本文作轉載及備份之用 來源 source: http://hk.on.cc
|
鍾意就快D Share啦！
|
|
|