薛家燕出身中產家庭，爸爸是公務員，她在四姊妹中排第二，天生表演慾強，幾歲已懂得就地取材，拿爸爸的睡褲演古裝大戲，有親戚到訪家中，還會扮鬼扮馬模仿對方。而她在校內更是風頭躉，每逢聖誕節或畢業典禮表演一定企中間，笑說：「因為我唱歌夠大聲，哈哈哈！」
被命理師批「揚名四海」
在七公主中，薛家燕的外號便是叫「鬼揸五」，有她出現必定沒有悶場。8歲正式出道，一開始爸爸十分反對女兒入行，擔心影響學業，但媽媽就看得出女兒很演有演藝天份，兩夫婦為此事爭論不休，結果由篤信命理的爺爺為孫女開命盤，得出四個字「揚名四海」。
曾光片場幫忙做功課
薛媽媽一直充當女兒的經理人，在父母悉心栽培下，年年紀小小的薛家燕已經十八般武藝，每朝五時起身走圓桌，放學後，在片場開工還請補習老師教授英文、普通話，日語，家燕姐手舞足蹈說：「嗰時我8歲，南拳北腿全學，學到手瓜起蹍，我媽咪話『唔得唔得』，學芭蕾舞柔軟啲，又唱粵曲，又時代曲，又唱英文歌，Christine Samson都係我老師。」但由於兼顧的東西太多，她有時都會出「古惑」，「中學功課深啲，啲幾何代數呀.....16、7歲我已經做女主角，當時同曾江拍檔，我叫佢教我，佢話『得啦得啦，你入廠先啦』，出到嚟幫我做晒喎，佢係大學生嚟，呢方面梗係叻，英文又幫我，我以前好多功課都係曾江幫我做，哈哈哈。」
薛家燕是個思想傳統的女人，到了適婚年齡便結婚生子，放棄如日方中的演藝事業亦沒有半點懸念。1984年嫁給從商圈外人石保慶，誕下兩女一子，可惜夫婦步伐不一致，丈夫有外遇，玩失踪3年沒有回家，萬念俱灰下，薛家燕一度尋死。
女兒珊珊寫給「媽媽」的信
薛家燕決定申請離婚，前夫沒有爭子女撫養權，更將物業轉到其母旗下，令家燕姐每月僅得2、3千元生活費。苦無對策下，唯有復出打工，做地產、保險經紀，但嘆一句：「搵唔到食」！恰巧，有機會演出《真情》的「好姨」一角，令她逆轉人生。
當時大女石祐珊（珊珊）、二子石耀庭和三女石耀珠分別只得九歲、七歲和五歲，家燕姐表示大女珊珊從小已得懂事，承諾照顧弟妹，近日翻看讀初中時珊珊寫給「媽媽」的一封信，仍是百般滋味在心頭。
蹄造經典角色 傳聞身家達2億
40餘歲中年復出的薛家燕，蹄造好多經典角色，除了《真情》的「好姨」梁潤好，還有《皆大歡喜》的「慈姑」游念慈、《十月初五的月光》的「Q姨」朱莎嬌、《七號差館》的黃英姑等，並獲星爺周星馳賞識拍 《食神》，家燕姐笑說：「佢話約我得閒飲個茶食個包，我唔知係乜嘢，冇幾耐佢真係搵我拍戲，我睇晒劇本，但現場拍嘅同劇本完全無關，哈，但我好多謝星爺，如果唔係呢個角色我接唔到咁多廣告。」
近十年幾乎無休止地拍劇，有傳聞家燕姐身家達2億港元，她未有否認，只哈哈大笑說：「我都唔知喎，哈哈哈！」她承認拍《皆大歡嘉》時搵錢最多，幾乎每個周末都會北上大灣區登台，與謝天華、趙學而、阮兆祥等齊齊跳「十字步」搵真銀，買樓積殼防饑之餘，並購入商廈作為家燕媽媽藝中心的工作坊，培育對演藝有潛質的小朋友。
如今家燕桃李滿門、兒孫滿堂，還有細17年的小情人「A君」Andy Chan，二人離離合合，她直言一開始是介意年齡上差距，但難得對方不介意，更獲子女支持。「之前去日本仔女都有約埋佢....其實我介意（年齡）嘅，係佢唔介意之嘛，佢都唔記得咗我幾多歲保持自己嘅心境年輕？我都唔知呀真係，我都唔知講返轉頭佢可能俾我一個愛情嘅感覺，所以我就覺得自己年輕囉，我真係唔知嘅」。
75歲的家燕姐還未計劃退休享清福，「現在視乎工作，如果太吃力唔接㗎啦，但我覺得好enjoy嘅，又可以帶到一啲訊息歡樂俾大家，我覺得我係有嗰個義務去做，因為我有嗰個影響力我帶到呢個訊息俾大家而幫到大家嘅，我都覺得係一件好榮幸嘅事。」
場地提供：Golden Blossoms金枝玉葉
想知更精彩內容，一定不能錯過今晚18:30上《香港01》YouTube，薛家燕親自剖白！
本文作轉載及備份之用 來源 source: http://www.hk01.com
|
鍾意就快D Share啦！
|
|
|