Arinna正在韓國讀書，早前為了參選港姐而回港，她並未入選第二輪面試，當見到TVB官網發布第二輪面試及海外候選佳麗首次曝光情況，她就在帖文下留言：「又話上星期二一定要現場出現嘅？同我講就話冇第二個選擇，點解突然間有第一次出現嘅海外佳麗？我改咗機票返嚟㗎喎…明蝦我啲冇背景嘅人。」
Arinna再發文表達不滿，指自己獲告知沒有線上或其他面試，需親身回港，但最終卻發現有佳麗於第二輪才首次出現，她怒斥：「知道呢啲大公司一定有黑幕，但係親身經歷都係會好無力，其實一開始暗示我唔好改機票，勸退我都可能冇咁嬲。」她又以「三色台」稱呼TVB，表示自己其實長居海外冇睇「三色台」，亦對它觀感不好，經此一役更大打折扣，她說：「無奈香港小姐呢個地區性選美係佢哋搞，從今以後我聽到三色台個名更加會反胃🙂↕️」
有人留言表示，其實6月中TVB高層有去加拿大及美國會見由合作夥伴所推薦的海外佳麗，因此又說不上是黑幕。有人又留言指歷屆都有線上面試，不過Arinna堅稱：「佢同我講冇😅」
其實Arinna參加初選後有在網上發文自我介紹，當時反應不錯，有過千網民讚好，她指自己在香港土生土長和讀書，大學時才移居韓國，參選是希望大學畢業前可以有多方面機會。她6月25日的發文中，對選港姐滿有抱負及期望：「明白可能好多人對參賽者有偏見，但我親眼見到現場係好多靚女，大家都好有氣質的，只係面對傳媒可能緊張未準備好被影得唔好😭我入TVB嗰下俾人影到都勁醜樣，有人comment話我鬥雞眼😹不過呢啲惡意嘅評論都係唔會打擊到我😌無論入唔入到圍，對我嚟講都係一個值得留念嘅寶貴經歷，呢個係一個難得嘅課堂亦為我嘅人生點綴✨雖然我只係一個讀多媒體嘅普通大學生，但我亦非常關注動物權益/性暴力議題，所以真係好希望透過平台可以令大家關注多啲一齊討論🫶🏻喺大學入面我識到好多同樣係外國嘅留學生，我哋成日分享自己嘅城市，我好鍾意宣傳香港㗎！我嘅親和力同正能量都令我成為本科外國人代表，如果我想喺大啲嘅平台代表香港，唔知得唔得呢？」不過被淘汰後，其態度明顯180度改變。
本文作轉載及備份之用 來源 source: http://www.hk01.com
|
鍾意就快D Share啦！
|
|
|