《中年好聲音》歌手周吉佩（吉吉）、羅啟豪、譚輝智、黃劍文聯同「中2」導師「小辣椒」谷婭溦（溦溦）宣布8月30日在啟德體藝館舉行《四王一后 五聲激鬥》演唱會，今日在商場舉行記者會，大批粉絲到場支持，非常熱鬧。歌手在演唱會中各自代表一顆恒星，溦溦因為是小辣椒，刻意駁了紅假髮代表「火星」；周吉佩染金髮代表「金星」，講笑粉絲以後可以叫他「金吉」；羅啟豪自言性格13點，着藍色衫代表「水星」、譚輝智自認老土最能代表「土星」、黃劍文自嘲經常木口木面，最適合代表「木星」。溦溦爆為演唱會開了群組，但各人都不發聲，要她逐一私訊追問。
受訪時吉吉解釋在群組說話不正經，正經事就會私訊，溦溦笑指：「佢哋4個會講鹹濕嘢。」吉吉再解釋：「排嗰時係四王一后，係乜嘢陣？就係嗰個陣囉！」輝智叮囑吉吉要小心說話。演唱會將會有5人合唱，又有男男合唱，溦溦更要輪住跟各人Crossover唱最辛苦，準備8月中開始排練。溦溦表示：「一路睇住佢哋比賽，除咗劍文有合作過，其他都係第一次合作。」其中她同輝智合作的環節，她講笑合唱歌會由輝智作曲作詞，內容要互相讚靚仔靚女。
「中年」歌手多次在啟德體藝館開騷，場館被中年霸佔？吉吉指自己都是第一次，劍文就指自己是第3次，隨即被稱為「前輩」，劍文忙解釋：「3次都係做嘉賓乍！」對有指中年歌手搶了不少歌手飯碗？吉吉搞笑推波給輝智說：「係問你！其實都冇話邊個搶邊個嘅！」早前劍文被玻璃𠝹手被診斷70%手筋斷裂，劍文表示正逐步康復，「左手中指活動能力已有進步，暫時彈唔到一個調，依家係影響彈結他，要苦練番，希望演出時好番，因為我會同吉吉玩樂器Jam歌。」
他們並推舉輝智和啟豪是跳舞擔當，啟豪表示會修煉舞步，輝智搞gag：「你修煉定收斂？我就收斂，會輕跳。」輝智隨即問吉吉會否除衫騷肌，記者反問輝智自己會否除衫時，他即斬釘截鐵表示不會，現場氣氛搞笑，未開騷已經甚有火花。
近日網民批不少演唱會票價過高離地，他們的門票定位相較貼地，吉吉指票價是大會設定，覺得是好事，讓更多人可以欣賞到：「好抵睇，一次過睇到唔同組合演出。」啟豪也指演唱會流程精彩，構思不錯。
本文作轉載及備份之用 來源 source: http://hk.on.cc
|
鍾意就快D Share啦！
|
|
|