美國歌手Charlie Puth憑電影《狂野時速7》歌曲《See You Again》、《We Don't Talk Anymore》等歌曲而爆紅，在亞洲亦有極高人氣。Charlie正在進行中國巡迴演出，日前完成了深圳站，他昨晚（7日）在社交網分享了在酒店休息時收看TVB的處境劇《愛．回家之開心速遞》，隨即引起網民熱議！
Charlie在限時動態分享了在酒店睇電視的片段，電視正播放《愛．回家》，畫面亦見到姚焯菲（Chantel）、周嘉洛、呂慧儀、古佩玲及單立文。有大批粉絲看到限時動態後，都忍不住在不同的社交平台及討論區發文，並表示好奇為何Charlie會收看《愛．回家》，還有將片段分享到限時動態的原因：「成件事真係好搞笑 我竟然同Charlie Puth同時睇同一個台」、「係廣東話！」、「隨便打開看看」、「冇英文字幕喎」、「佢係香港？點解會睇tvb？」、「金城安衝出國際」、「可能係求其開電視睇。」而Chantel亦有在社交網轉載Charlie Puth的限時動態。
古佩玲、姚焯菲及周嘉洛昨晚演出的《愛．回家》有幸獲Charlie Puth欣賞並在社交網分享，古佩玲受訪情不自禁大叫了兩次「OMG」她說：「OMG，我啱啱先知。我有好多朋友cap咗相同forward咗去story畀我，但我都係今朝先睇到，好興奮呀！估唔到可以出現喺Charlie Puth story入面，好震驚，OMG。」Chantel說：「非常驚喜，亦很開心Charlie Puth支持我們。很多朋友都有發訊息給我，他們也很驚喜。希望Charlie 就算聽不明白也看得開心。」周嘉洛則說：「聽講佢巡迴演出緊，應該係酒店度悶悶哋，唔覺意碌到我哋。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|