「因為我鍾意寫歌，最初係想做幕後音樂製作，但伍樂城先生覺得我唱歌OK，一年後參加比賽俾我贏咗，當時其中一位評判就係英皇高層，咁就俾咗一個機會我入行，所有嘢好快，之後冇再諗其他（造星）。」黃峻熙直言家人因此較放心，並決定報讀夜校進修報考DSE，完成中六課程。「我讀書唔係好叻，不過家人同公司都覺得中學畢業係基本，我都唔知讀得好唔好，但起碼畢咗業先，有咁嘅心態。」
黃峻𤋮以「ok」來形容家庭環境，幸運地做所有事都獲得家人的支持，他說：「暫時未有好大經濟壓力，佢哋（父母）覺得我開心就做，希望不久將來搵到錢可以俾家人，依家19歲正為未來舖路，等大家認識我。」問到會否為演藝路設一個期限，他說：「唔會set有限期俾自己，好睇緣份，我都講唔定，世事難料，其實我對演戲都有興趣，希望能多方面發展。」
熱愛音樂的黃峻𤋮亦有Busking經驗，偶像是周杰倫，作品有不同的曲風。而他第一首推出的新歌《拖多幾百天》，講述「戀人未滿友達以上」的暗戀好友的故事，原來他亦有跟歌曲相同的娙歷，他說：「想俾觀眾一種苦中帶甜嘅愛情感覺，我讀書時都同一個女仔日久生情，但當時大家都有拍拖，只係保持朋友關係，到大家分手後有一齊到，可惜最後都分開咗，呢個經歷係呢個首歌嘅啟蒙。因為老闆舒文最初俾我聽demo嘅時候，我就俾咗呢個題材佢，覺得好適合。」他亦坦白透露自己拍過3次拖，公司亦沒有明文規定不准拍拖，他說：「始終我仲細，好難一時間兼顧太多嘢，自問幾錫女友朋，一拍拖好投入。但依家工作忙，又要讀書，未必有時間分心，總之要自己自律有分寸。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|