正所謂，夏天，為大地帶來雨水同美腿，TVB梗係食住條水，為觀眾帶來「乳水」同美腿即係豪乳、嬉水同晒長腿呀！係咪正先？
錢嘉樂領軍嘅《大師兄Welcome Summer大激戰》已播出兩集，收視不俗，最高達到16.5點，即係有107萬觀眾收看。梗係啦，TVB咁多身材出眾嘅小花，着上三點式短打，鹹濕仔唔流晒口水至奇。好似第一集咁吖，有德德陳懿德，大鬥波波黃婧靈。其中一個環節，兩女需要不停鬥快重複脫掉外衣揸出水，嘩，不脫猶自可，一脫笑呵呵，豪乳彈彈吓破衣而出，睇到電視機面前嘅觀眾目瞪口呆！
再睇吓一班後生仔女，喺泳池大激鬥，你拉我扯，令人赫然發現，玩水真係如此多Fun！第二集有東張西望隊激戰中年好聲音隊，大家都將焦點放喺一眾女主持身上！鄧凱文、陳庭欣一直係公認嘅「咪神」，Bra Top一出，誰「乳」爭鋒！真係睇到大家好開心嘅呢！
喂呀，中年好聲音隊相對之下，真係冇乜睇頭，試問周吉佩、顏志恒呢班中年麻甩佬，又點及青春少艾火辣胴體咁吸睛喎？雖然有「門面擔當」支嚳儀睇吓，但吸引力同東張咪神無法可比。最難頂都係「小龍女」龍婷，竟然喺黑色短褲仔入面，着上一條白中帶黃嘅阿婆打底褲！雖然話防走光啫，但真係一言難盡兼有礙觀瞻！不如着條黑色單車褲冇咁嬲
講開又講，龍婷真係好嘢，同有婦之夫丘亞葵驚爆「Hello Kiss」事件後，話咁快就獲TVB放生，又上電視節目又開演唱會，唔到你唔服！
本文作轉載及備份之用 來源 source: http://hk.on.cc
|
鍾意就快D Share啦！
|
|
|