視帝馬國明在過去參演的劇集創造了多對觀眾喜愛的螢幕CP，最近在劇集《執法者們》跟首度合作的陳瀅搭檔充滿新鮮感，有望打造新CP！他又直言對愛情戲已失去興趣，近年愛上唱歌，想組織TVB唱家班一齊唱出香港。
馬國明入行超過25年，曾與楊茜堯、李施嬅、唐詩詠和近期較多合作的高海寧塑造出不同感覺的螢幕CP，令觀眾留下深刻印象。他笑言想再發掘更多不同女對手，因為高海寧很忙，難以度期；昔日的最佳拍檔唐詩詠近日則轉戰舞台劇，希望日後有機會在舞台上合體。
他揚言要組成不同的CP組合，而最近在劇集《執法者們》首度跟陳瀅合作及有感情線，覺得效果不俗，觀眾亦很受落，不過他自爆有提出刪減感情戲：「修改咗冇咁複雜，覺得簡單有簡單好睇。之前有三角戀，觀眾唔太鍾意睇好複雜嘅感情，依家簡單版陳瀅個角色好偉大，我同佢講：『你個角色好討好，男仔好難唔鍾意你。』」他直言現時已不想拍純愛情戲：「依家唔得幾多歲呀？應該做實事，拍夫妻婚姻問題可以，情情愛愛唔好睇」
爆靚湯吸金力高
馬國明還指近年愛上唱歌，出外登台一來可以止歌癮，二來可以賺錢，一舉兩得。他自認歌藝尚可，觀眾對他的要求亦不高，只求見真人，他就唱張國榮和鄭伊健的老歌走勻東南亞。他指無綫其實有很多被演戲耽誤的歌手，太太湯洛雯（靚湯）就是其中一位，大讚她唱《小幸運》非常動聽，想與太太及蕭正楠夫婦齊齊以夫妻檔登台。提到靚湯婚後沒再拍劇，他指太太有不少廣告收入，更笑說：「女藝人好着數，太太冇拍兩年劇都有廣告拍，如果男演員唔見兩、三年就冇人搵。」他笑言雖然太太收入多，但他一樣要繼續畀家用：「太太角度，佢嘅錢係佢，你嘅錢亦都係佢。我好傳統，有能力就我畀。」他認為不一定要生小朋友，不介意一直過二人世界。
而陳瀅前晚出席《執》劇大結局晚宴，笑言若有機會再跟馬國明合作，希望可以跟他拍打戲和開槍戲：「佢每次拍開槍戲都唔眨眼，我第一次拍《飛虎》嗰陣畀導演話我浪費子彈，依家拍槍戲有壓力。」馬國明即自嘲因年紀大反應慢：「拍《隱形戰隊》畀監製發現我係唯一開槍唔眨眼嘅，後來發現自己應該係感官退化，哈哈！」陳瀅指今次演出最擔心拍性感戲會走光，而且要減肥，問到身形Fit爆卻未有男友，可有想過參加《女神配對計劃》？她表示有追看節目，並透露劇組最初曾跟她接觸，但最終希望找更年輕的女藝人。馬國明即指如果她參加節目，肯定會引來大批男生報名，問他屆時可會擔任「花生團」幫忙挑選對象？他說：「我驚唔識揀，揀錯累佢一世！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|