雖然劇中丁子朗是被羅子溢所殺，但其實戲外羅子溢教他了不少有關演戲的技巧：「佢同波總兩個都非常之好，死於佢手上我都心甘命抵！」於劇中他與羅子溢都沒有感情線，活動中羅子溢則表示自己把感情寄在黃宗澤身上，所以與黃宗澤的好兄弟丁子朗好像形成了「三角戀」：「兄弟都係情嚟㗎嘛，家人都係情嚟㗎嘛，咁有時我覺得呢套戲冇感情線嘅就放棄咗呢樣嘢，但係唔可以。要捉緊人與人之間嘅關係，點樣將做啲角色與角色之間嘅細位做得detail啲。」丁子朗更指與羅子溢聊天後獲益良多，令到他學到不少。
至於劇中另一個重要的一幕就，是丁子朗在鑽油台上被吊出海上，當刻他的感覺是感到很害怕及不簡單：「因為我係有個吊臂運咗我去海中央嗰度，跟住垂直降我落去，呢個離心力呢，真係勁過主題公園嗰啲過山車嘅。」再加上會擔心跌到海裡，因為海水都比較混濁。
早前有提及到TVB是否有意推出「男神配對計劃」，而丁子朗有機會是其中一個男神，他笑指當日見到公司的帖文有嚇到，因為那天早上起牀就看到有人標籤了他。丁子朗按進去一看，原來是「男神配對計劃」，建議了他、周嘉洛及吳偉豪，他馬上去問經理人：「係唔係真係有個節目？佢話唔知喎，未度喎，唔肯定喎，可能係嘅咪做吓囉。跟住我話，吓？真係做啊？跟住佢話，咪做吓囉！」他就覺得要看觀眾是否想看，如果想看的話，他絕對沒問題，當作增加人生經驗。
本文作轉載及備份之用 來源 source: http://www.hk01.com
|
鍾意就快D Share啦！
|
|
|