歌手Tyson Yoshi同新婚太太Christy日前在意大利舉行一連3日浪漫婚禮。Tyson昨晚Po了「愛的紋身」靚相，圖案以「TC」緊扣而成，除二紋埋結婚日期和地點以作紀念外，還有金句「We Against The World（我們一起對抗世界）」
不過TC婚禮的小插曲引起網民罵戰，事緣Christy的化妝師Daniel日前分享因航班問題，化妝箱「滯留」瑞士，惟有在意大利買過一Set全新的化妝品補鑊，好彩得到Christy體諒才完成「不可能的任務」。Christy亦轉貼Daniel短片話：「意外冇人想發生，婚禮順利完成，好滿意。所有人見到Daniel好幫手，有你幫手好放心。」
其後另一新娘化妝師Jacky Ip就發文質疑Daniel沒有Hand Carry化妝品是不專業的行為，並表示：「唔係好明連呢啲唔專業嘅低級失誤嚟博流量為乜。係我知道啲助手呀、我公司嘅化妝師會咁做，實畀我媽叉死。」Tyson忍唔住回應話：「我覺得化得好靚喎，你嘈咩？咁你唔X啲地勤？」Jacky即解釋是專業操守問題：「呢啲絕對係低級錯誤，作為一個經常要去外地做嘢嘅人，架生跟身，係基本嘢嚟。可以先咀嚼一下我分享嘅內容先X我」，Tyson再爆Seed：「化妝師專業操守會會長，你都係想搞到人哋冇工開啫，唔好咁正義啦。」事件引發不少化妝師和網民激烈討論，Tyson最後回應話：「圓滿結束，開心事。意外，意料之外，明明係地勤嘅責任...點解要鬧佢🤣最尾解決到咪得囉！經一事長一智，下次咪行李跟身囉！唉，真係多嘢講😮💨得啦得你好有經驗你叻畀個獎你！」而Jacky亦表明不會因為有不同聲音而刪Po！
本文作轉載及備份之用 來源 source: http://hk.on.cc
|
鍾意就快D Share啦！
|
|
|