方泳琳在產前分享多張孕照，兩夫妻以白色系列打扮，赤腳跳舞，一起迎接新生命。方泳琳表示：「聽日就見到你喇，超期待！勁興奮！See you soooooooon」，之後在IG限時動態透露已經入院，早上入產房時又再次打卡，而老公一直陪伴左右。
直至昨午，方泳琳宣布囡囡出世，英文名字叫Railey，寫道：「1.8.25 Welcome to the world, My baby Railey」。剛出世的Railey仍未開眼睛，但其中一張相似在微笑，分享一家三口首張合照，方泳琳續寫道：「第一下聽到你嘅喊聲，媽咪Daddy都好感動，原來一個新生命誕生嘅喜悅，係好難用筆墨去形容！Railey以後請你多多指教，歡迎加入我哋嘅大家庭，同一班哥哥姐姐好好相處，我哋一定會好好學習做你父母。」
全程笑到四萬咁口的陳張敏，被老婆方泳琳爆料：「另外要讚一讚怕血嘅Daddy好勇敢入嚟陪產，同埋剪臍帶手勢都唔錯，不過唔好睇佢笑到四萬咁口，其實佢係緊張到出晒手汗。」廖子妤、林芊妤（Coffee）、李綺雯、陳葦璇送上祝賀。
36歲的方泳琳曾是香港女子乙組籃球隊「悠悠」成員，擔任得分後衛。2017，方泳琳曾參演當年話題電影《29+1》，飾演女主角周秀娜的年輕版。方泳琳三年前現身節目《晚吹—戀講嘢》，自揭兩度遇渣男，其中一人為籃球員，並曾參演過劇集《大叔的愛》，以及HOY TV旅遊節目《杭州限定旅團》等。
點擊睇更多方泳琳靚相：
本文作轉載及備份之用 來源 source: http://www.hk01.com
|
鍾意就快D Share啦！
|
|
|