藝人譚俊彥、郭柏妍、胡敏芝和黃庭鋒等今日（25日）出席《麻雀樂團》的銅鑼灣快閃宣傳活動，吸引近百途人圍觀，譚俊彥與郭柏妍重演父女相認一幕，又與觀眾玩麻雀及擲骰遊戲，路過的藝人徐文浩更被拉入場一起玩，活動尾聲更有樂團現場拉奏《與我常在》。
譚俊彥受訪時表示觀眾在街上也叫他做「久哥」，笑言劇中父女相認後要處理女兒的任性，現實中也要處理10歲女兒，因囡囡和太太都很有想法，自己夾在中間只能溝通，又說是一世的事：「位置交換啦，我有時都會發脾氣，一家人係咁㗎」
至於郭柏妍就表示小時候很少任性只努力讀書，因為知爸爸媽媽工作很辛苦，不想添麻煩，但她就爆20歲胞弟令她難受，因為每天也在家中唱歌，昨晚更唱至凌晨3、4點：「我早排練咗《小幸運》，買咗唱K神器，佢尋日仲同我講問家姐係咪要練歌？啲人睇你好似話會唱歌，咁我都開心嘅佢有睇套劇。」
譚俊彥笑指郭柏妍細佬歌喉比家姐更魔音，而她指胞弟令她增添了自信，但坦言怕被鄰居投訴：「啲聲好響，靜唔到，好似撻着咗個掣咁。（叫佢參加歌唱比賽？）費事一陣魔音一山還有一山高，等佢練習吓先。」譚俊彥又透露結局周將有一場「父女」合奏的戲，當時他兼拍《企業強人》，所以練琴練足8個月，更指該場戲連已故的「媽媽」會回來，劇情頗煽情。
另外，提及女主角李佳芯未有參與宣傳，譚俊彥覺得：「佢都算有幫劇做宣傳嘅，因為佢網上有po嘢，我覺得大家多嘢做啦。（你之前狂游說佢返嚟做宣傳，現冇影可感失望？）我又唔會失望，我覺得每個人都有唔同軌道，希望大家各有好表現啦，我嚟緊都要入其他組啦。（有傳佢根本唔想做宣傳？）出面太多傳言啦，你一言我一語，除非係佢親口講，否則唔會過度揣測。」
胡敏芝表示和謝東閔的感情線有好結局，她劇透謂：「我會跟佢走，但點跟佢走 ，大家就要睇劇啦，都有啲情節會講點解會跟佢走。」至於黃庭鋒只鼓勵郭柏妍到北京發展，未有隨行，但結局都幾好，他說：「對我嚟講個結局都幾Happy，而呢5集就要首先接受咗我同佢係叔甥關係先，但我哋係冇血緣關係，所以我就繼續追佢，佢去咗北京，呢段關係會繼續發展嘅。」問到可不捨劇集快劇終？他坦言有，尤其宣傳活動看見演奏家演奏《與我常在》，因劇中郭柏妍常彈奏此曲，令他勾起不少舊畫面。可會開拍續集，他問：「大家係咪想先？同監製反映下先，因為劇集故事仲有好多發展空間，如胡敏芝可打牌，我入樂團打鼓，郭柏妍去唱歌啦。（可有代表同監製反映？）就胡敏芝講啦，監製好錫佢。」胡敏芝就指他常跣自己。
黃庭鋒又話因劇集反應好，令各演員多了工作機會。問可有慶功活動？兩人表示眾演員已相約睇大結局，黃庭鋒又指如收視達30點會表現唱歌，自己或負責陪舞，胡敏芝表示努力練習後亦可表演唱歌，黃庭鋒則笑她不算難聽，但會聽不到她唱甚麼，自嘲是魔耳：「係我哋耳仔有問題，其實佢唱得幾好。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|