1995年亞姐冠軍楊恭如早前進軍直播帶貨行列，被譽為「亞姐中的亞姐」嘅佢靚樣依舊，面上零皺紋，緊緻又白到反光，睇到網友心心眼。近年定居上海嘅楊恭如，早前同媽媽一齊搭高鐵去玩，又晒出自拍片同大家開心Share，寫道：「只要出去旅遊眼睛都是放光的~忘記用高清拍了，湊合看吧，哈哈哈。」
片中見佢繼續以清爽短髮示人，雖然係戴上口罩，但素顏出鏡嘅佢眉毛淡薄，黑眼圈明顯，同直播帶貨時明艷照人嘅外貌好大出入，更明顯憔悴，有網民留言：「你這樣，大馬路上真認不出來了。」楊恭如隨即回覆：「根本不想被認出來，這樣才自在！」亦有人留言大讚楊恭如樸素貼地，一如以往靚女。但其實睇佢平時啲片都落重Filter，大眼、瘦面、磨皮樣樣齊，今次難得以半個真面目示人，都勇氣可嘉。
本文作轉載及備份之用 來源 source: http://hk.on.cc
|
鍾意就快D Share啦！
|
|
|