人氣男團MIRROR成員呂爵安（Edan）假亞洲國際博覽館舉行的一連3場《EDAN LUI "e to E" LIVE 2025》演唱會，昨晚（18日）舉行尾場。尾場同樣請來嘉賓，打頭陣的是剛於世錦賽歷史性奪金、連續3個大賽封王、世界排名首度登上第1位的香港男花劍手蔡俊彥（Ryan），Ryan於台上考驗Edan急才，指Edan以Best friend來介紹前一場嘉賓Anson Lo，那會以甚麼來介紹他？Edan即以「Best Buddy」去化解，又向觀眾強調早於Ryan拿下世界第一前已邀對方任嘉賓，笑指免得將來被人怪他叨光，令人爆笑，二人繼而合唱周杰倫的《安靜》，之後Ryan再Solo唱出陳柏宇的《親愛的仇人》，表現淡定，獲不少掌聲。
至於第二位嘉賓則更令觀眾驚喜，Edan請來胞妹小如豬（呂蕙如）擔任壓軸嘉賓，二人先合唱《漸漸我們》，Edan笑指邀請過程飽受無情拒絕：「Oh my god！求咗佢好耐都唔肯做嘉賓，佢話唔好搞佢，話我平時咁大壓力，真係忍心叫個妹出嚟？」他笑言經多次要求再加情緒勒索後，最終獲小如豬首肯，又爆她應承演出後即減肥、節食和練歌，笑指比他更勤力，又指妹妹很有誠意，特別為表演排舞，二人隨即跳唱《三分甜》。完成後寵妹的Edan讃妹妹比陳凱詠唱得更好，他說：「恭喜你哋見證呢個時刻，感恩有呢個好妹妹，呢一年不停鼓勵我做我心靈雞湯，佢讀書又好、唱歌跳舞又好、孝順、乖、叻，有個咁好嘅細妹我可以退休！佢之前做第一個Job，將人工分成3份，畀阿爸、阿媽同我。」小如豬即説：「你都應該咁樣做！」Edan搞笑回應：「呢7年嚟我從未咁做過！」又即場呼籲若有公司想找小如豬出道可聯絡他，亦可找他們兄妹檔一起拍廣告。
Edan騷後受訪，問到小如豬是否打算出道？他説：「之前問過佢真係冇呢個興趣，但係今次威逼利誘佢，佢又真係肯好開心。（有一次有第二次？）我諗都係睇銀碼嘅啫，哈哈！本身同佢講今次畀6位數佢做酬勞，後尾佢話唔使啦。佢真係好淡定，第一次上咁大個台真係好犀利，我懷疑佢真係比我更加適合。」他大讚妹妹跳唱表現不錯，事前更做足準備，努力敷面膜和減肥，問到要地獄式減肥有否嗌辛苦？他指妹妹一直也有為拍廣告減肥，並表示除了想兄妹檔拍廣告，更希望公司開個旅遊節目給他們，屆時可順道帶媽媽一起去旅行，他說：「之前有同佢傾過，因為佢A0（從未拍過拖），可以開個節目幫佢搵男朋友。（搵邊類男仔？）搵個好人，不過都要阿妹鍾意。（你捨得？）佢都20歲啦。」
他表示若妹妹決定出道他可當經理人，笑言條件方面也不外乎錢。談到他在台上自爆跟公司合約只剩下3年，他笑指應該也不是秘密吧，透露跟公司有傾談續約問題，相信很快會有消息，不過未必會公布，坦言自己也希望能續約，因自己也喜愛拍劇和綜藝節目，有電視台做支援對自己事業也很有幫助。
提到第二場當晚被嘉賓好友Anson Lo爆他也有軟弱時，在過去一年多次因壓力太大至爆喊，最後還贈他一句：「你都有今日！」Edan坦言人總有低落的時候，開心身邊有AL這好友：「佢幫咗我好多，所以好想請佢做嘉賓。」提到對方希望Edan繼續向前衝，煩惱和重擔則交給他，問到會將甚麼煩惱交給AL？Edan說：「將點樣搵多啲錢、點樣唱好啲歌、跳好啲舞，人生有各式各樣嘅煩惱，互相扶持、互相幫助，佢有煩惱都會搵我，我有煩惱都會搵佢，難得咁耐默契，可以信任對方。」他否認爆喊是因感情事，而是工作上的問題：「有時自己諗唔通、鑽牛角尖。（工作上停滯不前？）唔可以話停滯不前，係有啲迷惘，究竟自己做緊乜？自己想做乜？」問到有否邀請緋聞女友林明禎欣賞演唱會？Edan表示有邀請，對方也有來看，問可有想過請對方任嘉賓？他說：「咁就冇。（佢畀你幾多分？）唔知道，都係講返演唱會啦。」
談到今次棟篤笑環節大玩粗口諧音，可有被經理人責罵？Edan笑指對方看初稿時，被嚇得瞳孔縮了一縮，不過最後都順利通過，更強調自己沒有說髒話，但笑稱自己有時的確會劍走邊鋒。他指雖然唱到第3場聲線已沙啞，但感覺絕對比上次演唱會有把握和輕鬆，揚言下次一定要打破三場魔咒。
本文作轉載及備份之用 來源 source: http://hk.on.cc
|
鍾意就快D Share啦！
|
|
|