伊拉奧拿(左)、格拉斯拿成為曼聯新帥候選。
曼聯在英聯盃出局，繼續創不名譽紀錄，魯賓艾摩廉嘅戰術體系同臨場調動備受批評，據報英力士集團做好換帥準備，鎖定2位接替人選，分別係格拉斯拿同伊拉奧拿。
英國傳媒報道，曼聯已擬定一份應急候選名單，如果球隊成績直線下滑，一旦艾摩廉被辭退，呢份名單就會被啟用，排名最前2位領隊，分別係水晶宮嘅格拉斯拿，同埋般尼茅夫嘅伊拉奧拿，前英格蘭主帥修夫基都在名單內。
曼聯高層討論最頻繁嘅人選係格拉斯拿，該位奧地利籍教頭近期對於水晶宮主力流失問題非常不滿，有意求去，佢嘅戰術體系都係343，仲非常樂意接受執教曼聯嘅新挑戰，可以話艾摩廉有乜冬瓜豆腐，格拉斯拿可以立即接手。
另一曼聯高層心儀目標主帥係伊拉奧拿，該位西班牙籍教頭近2季執教般尼茅夫成績突出，而且早在上季初辭退坦哈格期間，曼聯高層就曾經考慮由伊拉奧拿接手，但最終決定聘用艾摩廉，但伊拉奧拿名字一直在候選名單靠前位置。
本文作轉載及備份之用 來源 source: http://hk.on.cc
|
鍾意就快D Share啦！
|
|
|