歌手何雁詩（阿詩）日前擔任電視節目嘉賓暢談近況，指兒子Asher確診天使綜合症後，兩夫婦的情緒大受影響，歌手老公鄭俊弘（Fred）疑打擊過重而出現失憶，她說：「知道阿仔有天使綜合症後，我哋就知生命從始再唔同，最近先發現佢好似冇咗記憶咁，可能佢嘅成長係冇Daddy陪伴，所以佢好想做個100分嘅爸爸，當佢知阿仔有呢個病時，佢會怪責自己點解佢會帶阿仔嚟呢個世界上受苦。」而她自己則用工作麻醉自己。
問到兩夫婦可曾為兒子的病而哭過？阿詩就話印象最深刻一次是看見寓所附近的學校，皆因兩人曾幻想囝囝將入讀該幼稚園，可是Asher患病後，不能接受平常的學校，所有為囝囝預設的計劃亦成炮影時就忍不住痛哭。她直認在人前裝作堅強，可是人總有情緒，在沖涼時是她最佳的釋放時間：「我同自己講搽完護髮素就要停，唔可以再喊。」
問她的工作可受影響，她坦言公開Asher的病況後，的確曾失去工作機會，她透露：「聽經理人講客戶覺得我會令人諗起啲唔開心嘅嘢，所以我唔係咁適合個Job。」她又說3歲的兒子，智商會停留在2至4歲，到目前為止不識行及說話，但她仍然有信心：「喺10年內應該有醫治到佢嘅藥，雖然唔可能變番正常人，但生活上會有進步。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
