《2025香港小姐競選》現年26歲的陳詠詩以大熱姿態贏得后冠，賽後她接受訪問講到奪冠是否意料之中？她說：「有好多唔同嘅因素，自己都係做好本分，冇諗咁多名次，唔係反而會影響心態、狀態。（咁冇獎會唔會唔開心？）咁梗係想要名次，訓練就唔去諗名次，唔係反而會緊張。（今晚發揮得最好？）滿意自己嘅表現，開頭問答環節有少少緊張，之後就恢復番狀態，唔再緊張。（赢在邊方面？）好多方面，之前係運動員，觀眾見到我堅毅一面，代到香港拚搏精神，同埋讀博士。（贏在運動員身份？）係，一定有幫助。（得獎後佳麗湧去季軍度，畀佳麗冷落？）唔知，冇諗咁多，去到後台，佢哋都話頭先未行到去中間，之後個個都同我講恭喜，喺台上都唔知自己做乜，發緊台瘟。」她又坦言男朋友沒有到現場捧場，因為只有兩張門票，留給父親和專程由美國飛回來的妹妹，隨後會向身在美國的媽媽報喜，自己則買了3款朱古力準備好慶祝。
出爐港姐冠軍陳詠詩在將軍澳電視城接受完傳媒訪問後，約凌晨一時，乘座大會七人車到入住的將軍澳某酒店，她步入酒店時被問到會與父親和妹妹怎樣慶祝？她說：「未知，一陣會同其他佳麗一齊食嘢，最想食澱粉質，好想食飯同麵。（淨係食白飯﹖）都得，好鍾意食白飯。（同媽媽報喜未﹖）未同媽咪講電話，但係媽咪短訊恭喜我願望成真，為我驕傲。（男友會唔會嚟酒店同你慶祝﹖）唔會喇，都好攰要休息。（想男友送咩獎勵﹖）未諗。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
