Coffee自責做人阿媽做得好失敗，她透露：「話說我個仔喺暑假放咗10日已經做晒啲暑期功課，我都幫佢檢查完無問題，跟住佢好有手尾，將暑期作業收左喺書櫃同小一d書本放埋一齊，頭先同佢喺度執書包，先發現⋯我前兩日幫佢間房大掃除嘅時候，當時係諗住幫佢掉晒啲小學一年班嘅書同埋作業，點知我連檢查都冇檢查，就連埋做完既暑期作業都一齊掉埋😭😭😭」
她指囝囝得悉後非常傷心，因為當時做功課做得很辛苦，而且也很怕老師責備，Coffee表示：「本身已經係大頭蝦，再加上大肚婆真係會特別大懵同埋蠢😭 我呢排已經係咁做埋啲傻野，今次仲要連累埋個仔，好唔開心呀！！！！我點解會咁架？！真係最怕有個豬隊友媽媽⋯⋯⋯⋯⋯⋯⋯⋯」Coffee指兒子很只是扁嘴和表示怕俾老師鬧，很明白事理、很懂事，但她也不禁問廣大網友：「咁樣掉咗你哋嘅暑期功課係咪會好憎阿媽😭😭」
很多網民都留言安慰Coffee和分享自己的經驗，叫她一定要代兒子向學校解釋，別讓伯伯獨自面對，Coffee之後再更新最新情況：「發現自己掉左佢辛辛苦苦完成左既100頁既暑期作業後，其實當刻真係好想逃避好唔想話佢知我整唔見，因為我怕佢會唔開心訓得唔好，但過咗幾分鐘之後，我沉澱完自己心情就喺度諗醜婦終須見家翁，然後就同佢自首左，都同佢好真誠咁講左對唔住🧎♀️再寫左封信俾佢今日交返學校俾新老師，跟住今朝一早7點幾我就打電話返學校，親自同老師解釋左同say sorry ，老師都好明白事理話唔緊要叫我唔好太自責，做晒就ok反正個學習過程先係最緊要。」
Coffee大讚班主任好好，相信兒子今個學年都會好幸福，她又表示自己會「食少啲蝦，唔好再做大頭蝦。」Coffee又透露自己問過兒子，如果下次媽咪再次大頭蝦，他會怎麼做，伯伯回答：「我下次會將暑期功課擺定係書包入邊，再寫紙貼住提你唔好掉左我d功課。」令Coffee覺得非常窩心和乖仔，她又說：「唉⋯正面啲咁諗，有個咁懵嘅阿媽，個仔應該會比較醒同比較有責任心既👉👈」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
