張敬軒接受訪問時，坦言TVB充滿了回憶，說：「有一種同學聚會嘅感覺，因為一廠有好多FM同事都係睇住我長大，呢個廠都係我攞好多honor嘅地方。」問到同佳麗們「拖手仔」，軒公直認緊張：「見到下面有同事數手指，我都會緊張嘅。」那麼，哪一位佳麗手仔最好拖？他回答：「嗱，我好專業嘅。我唱歌嘅時候所有注意力都喺唱歌上面。如果我個腦有空間捽手仔呢，我又辜負咗志偉哥搵我返嚟。」
近日「菠蘿油事件」登上熱門。被問到最近有沒有食菠蘿油，他回答：「唉⋯⋯唔敢亂食嘢啦。最近準備騷。（因為戒糖？）唔止戒糖，仲要戒上網，戒口，唔好咁搶口。（經理人叫嘅？）唔係，我自己嘅，因為前個月開始個媽話我面色唔係太好，咁就平時食開嘅補充劑，阿媽開始畀紅棗水我飲。阿媽嗰日睇完問我：『係咪紅棗水躁底？』所以飲住涼茶先。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
