「瑜伽女神」杜穎珊早年憑主持J2節目《#後生仔傾吓偈》而為人熟悉，佢亦拍過綜藝節目及劇集，亦於《流行都市》教瑜伽，惟去年7月宣布離巢，發展瑜伽事業，估唔到事隔一年，佢更公布婚訊。
杜穎珊近日上載影片，穿上露肩白色上衣襯藍白裙嘅佢，同男友一齊以情侶裝示人，開心透露已答應男友求婚，以英文留言：「我答應了，謝謝你的一切，繼續努力一起追尋夢想。」片中獲男友跪地送上戒指，二人開心到又攬又錫，杜穎珊全程笑得甜蜜。片段獲朱智賢、陳若思、徐文浩、孔德賢、蘇韻姿、楊潮凱等送上祝賀。
杜穎珊6歲時學體操，曾入選香港體操總會藝術體操精英隊，其後轉玩瑜伽並得多個國際賽事冠軍。杜穎珊畢業於城市大學環保政策社會科學學系，大學曾成為宿舍欖球隊隊員，又考獲潛水和獨木舟資格。杜穎珊早前曾自爆患暴食症，因為當時身心非常唔健康，先要減少幕前演出，將重心轉放瑜伽事業上。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
