藝人方力申今年情人節無預警下宣布婚訊，隨後又在父親節公布太太懷孕喜訊，兩人即將榮升父母！早前方力申透露B女預計年底出世，雖然，驚血的小方還表示會陪太太入產房生B，認真唔話得。
日前小方在社交網分享陪老婆產檢的畫面，並說：「日前我同太太去港怡醫院照bb嘅結構，好感恩，舒醫生話bb一切正常。由於之後太太都想喺港怡醫院呢度生BB（想順產），護士就好好咁帶我哋上樓參觀房間同產房，聽完佢哋細心講解『生產』過程後，本來心情好平靜嘅我，依家開始有少少緊張，咪住先，呢啲唔係緊張，係興奮先啱，要開始準備做爸爸喇！」
影片中，小方不禁大讚女兒：「佢嘅脊骨靚過我呀。」直言心情興奮又期待。之後他去到產房及病房參觀，可以見到豪華病房擁有超大玻璃窗，可遠眺山景，足以見得小方對太太呵護備至。當聽到醫護人員說：「媽媽生完BB後，我哋會安排媽媽同BB先做肌膚接觸。」小方即問：「冇爸爸㗎？（可以，不過畀媽媽先。）」而見到病床有一張櫈時，他即搞笑說：「嗰張櫈係畀爸爸？如果我暈血咁點算？（咁你坐低先唔好郁）咁我綵排吓先，我呢邊畀佢鍊住，畀佢鍊到流血都冇人理。」十分搞笑。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
